busted!!!

Isang pamilyar na number ang tumatawag. Nag-aalinlangan kung sasagutin ba ito o hindi. At bago pa man maputol ang pag-riring, pinindot ang receive button ng cellphone. Puro kaluskos. Walang sumasagot. Pinutol ang tawag at sya na mismong nagkusang tumawag sa numerong kanina'y tumatawag. Isang maganda at malamig na boses ang sumagot. Nagbalik sa alaala ang mga masasayang araw at may bahagyang ngiti ang nasilayan sa buong mukha.

Boy- Hello :-) oh kamusta. Napatawag ka yata?
Girl-Ha? hindi ah. napindot ko lang ata ang phone ko!!!
Boy- Ah ganun ba. O sya ingat. Bye

Biglang nanlumo. May lungkot na nadama. Ang kaninang may ngiti sa mukha ngayon na'y wala. Ang kaninang umaasa habang hawak ang telepono ngayon ay balot ng katotohanan. Katotohanang wala na nga talaga sila. Pinasyang matulog at sa pag-gising isang text message ang nabasa mula sa may-ari ng teleponong kanina'y tumawag sa kanya.

****hi, galit ka ba sa akin?

----nope, bakit naman?

****wala lang. Sana kahit di na tayu kaw pa din migo(friend) ko

----Sure. better off this way. TC

Sa huling mensaheng pinadala, kahit mabigat sabihin ay kanyang ginawa. Nandon pa din ang isang parte sa kanya ang umaasa pero mabuti nang maging totoo at handa sa ano man pwedeng mangyari sa kanila....